Home
એન્ટરટેઇનમેન્ટ
ભુવન બામ Deepfake Videoનો શિકાર બન્યો : તેના ચાહકો અને ફોલોઅર્સને સચેત કર્યા, પોલીસ સ્ટેશનમાં નોંધાવી FIR

ભુવન બામ Deepfake Videoનો શિકાર બન્યો : તેના ચાહકો અને ફોલોઅર્સને સચેત કર્યા, પોલીસ સ્ટેશનમાં નોંધાવી FIR

08:59 AM July 10, 2024 gujjunewschannel.in

Youtuber, કન્ટેન્ટ ક્રિએટર અને એક્ટર ભુવન બામનો એક ડીપ ફેકDeep Fake Video viral વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં ભુવન લોકોને ટેનિસમાં કોઈ ખાસ બુકીના આધારે રોકાણ કરવા વિનંતી કરી રહ્યો છે. Bhuvan Bamએ તેના ફેન્સ અને ફોલોઅર્સને આ ડીપફેક વીડિયો વાયરલ થવા અંગે એલર્ટ Alert કર્યા છે. ભુવન બામની ટીમે તરત જ ડીપફેક વીડિયો પર કાર્યવાહી કરી અને તેને ભ્રામક અને નિંદનીય ગણાવીને મુંબઈના ઓશિવારા પોલીસ સ્ટેશનમાં ઔપચારિક ફરિયાદ નોંધાવી. ભુવને કહ્યું,'મારી ટીમે પહેલાથી જ ઓશિવારા પોલીસ સ્ટેશનમાં ફરિયાદ નોંધાવી છે અને તેઓ મામલાની તપાસ કરી રહ્યા છે.'

ભુવન બામે તેના ચાહકો અને અનુયાયીઓને ડીપફેક વીડિયો વિશે ચેતવણી આપી છે. તેણે કહ્યું, 'સોશિયલ મીડિયા પર વાયરલ થઈ રહેલો વીડિયો સંપૂર્ણપણે નકલી અને ભ્રામક છે. જે લોકોને સટ્ટાબાજી કરીને ટેનિસમાં રોકાણ કરવા પ્રોત્સાહિત કરે છે. હું દરેકને નમ્રપણે વિનંતી કરું છું કે આ વીડિયોનો શિકાર ન થશો અને તેમાં રોકાણ કરવાનું ટાળો. જેનાથી મુશ્કેલી અથવા આર્થિક નુકસાન થઈ શકે છે.'

જણાવી દઈએ કે ડીપફેક વીડિયો ટેક્નોલોજીનો ઉપયોગ આજકાલ ઝડપથી થઈ રહ્યો છે. અત્યાર સુધી, ટોમ હેન્ક્સ, સ્કારલેટ જોહનસન, અમિતાભ બચ્ચન, શાહરુખ ખાન, સચિન તેંડુલકર, આમિર ખાન, કેટરિના કૈફ અને રશ્મિકા મંદાન્ના જેવી ઘણી હોલિવૂડ અને બોલિવૂડ સેલિબ્રિટી ડીપ ફેક વીડિયોનો શિકાર બની ચૂકી છે.